КАЗ    РУС    ENG
ВИРТУАЛЬДЫ ҚАБЫЛДАУ БӨЛМЕСI ӘКІМНІҢ БЛОГЫ НАШАР КӨРЕТІНДЕРГЕ АРНАЛҒАН НҰСҚА МОБИЛЬДІ НҰСҚА Баспа үшін нұсқа
На главную

 

 

 

 

 


Білім

2018 жылдың бірінші тоқсанындағы «ШҚО Бородулиха ауданының білім бөлімі» ММ жұмысы туралы ақпаратты *doc 42 KB
SportFEST Kazakhstan спартакиадасы  
Бала қамқорлығы жайында  
Әрбір бала отбасыда тәрбиелену керек! *doc 47 KB
Балаларға отбасыны беріңіздер! *doc 47 KB
«Сенім телефоны» қызметі туралы ақпарат  
Мемлекеттік білім беру жинақтау жүйесі мемлекеттік қолдаудың тиімді шарасы ретінде *doc 4.9 MB
Жалпыбілімдік пәндер бойынша өткен аудандық олимпиада *doc 45 KB
«Нөлдік төзімділік» қағидасы біздің өмірімізге нық енсін десек *doc 45 KB
Бородулиха ауданында мектеп оқушыларының толық келуін қамтамасыз ету жөніндегі Елбасының тапсырмасын орындауда алтыншы жыл бойынша "Мектепке жол" акциясы өткізілуде  
Бородулиха ауданының мектепке дейінгі балалар мекемелеріне жолдану үшін кезекте тұрған балалардың тізімі *doc 67 KB
Бородулиха ауданының білім мекемелері туралы мәлімет *doc 88 KB

Бородулиха ауданында 1 лицей,  24 орта,  4 негізгі, 5 бастауыш жалпы белем беретін мектептер қызмет атқарады. Оның ішінде: 4 мектеп мемлекеттік тілде,  10 мектеп  мемлекеттік және орыс тілдерінде, 20 мектеп орыс тілінде білім алады. 2016- 2017 оқу жылындағы оқушылардың саны 4895 адамды құрайды. Ал 2016- 2017 оқу жылында мектеп түлектерінің саны 269 оқышыны құрады, ҰБТ 98 адам қатысты.
Ыстық тамақпен 4895 оқушы қамтылған, ол дегеніміз 100 % оқушы. Жалпыға міндетті оқу қоры есебінен тегін ыстық тамақпен аз қамтылған отбасылары, ата-анасының қамқорлығынсыз қалған, жетім балалар санатындағы 732 оқушы қамтылған.
Балабақшалардың балаларын, шағын-орталықтардың тәрбиеленушілерін, аз қамтылған отбасыларының балаларын тамақтандыру үшін 2017 жылдың наурызынан желтоқсан аралығында сомасы 10 млн. 230 мың теңгеге «Е.Зайтенов» шаруа қожалығымен сүт және сүт өнімдерін жеткізуге арналған 37 келісімшарт жасалынды.
Ауданда қазіргі уақытта 22 мектепте күнделікті  мектебі жоқ немесе білім беретін сәйкес ұйымы жоқ 38 елді мекенннен және 4 шағын ауданнан 861 баланы тасымалдау жүзеге асырылып отыр. Балаларды тасымалдауға барлығы 30 көлік бірлігі тартылған. 2006 жылы аудан мектептеріне өтеусіз қолдануға «Казахмыс» Корпорациясы 8 автобус берді (Жезкент №1 орта мектебі, Жезкент №2 орта мектебі,  Ивановка орта мектебі,  Т.Аманов атындағы орта мектебі,  Комаров атындағы орта мектебі,  Красный Яр орта мектебі,  Зубаир орта мектебі,  Бородулиха қазақ орта мектебі).  Жеткізуге тартылған 30 автобустың 5 автобусы соңғы 5 жылдың ішінде сатып алында.

Бородулиха ауданында апаттық жағдайдағы мектептер және оқушы орындарының жетіспеушілігі жоқ.  2017 жылы Бородулиха ауданының білім мекемелерінде жергілікті қаражат есебінен 31132,0 мың теңге сомасына «Жезкент орта мектебі» КММ терезелерді ағымдық жөндеу, 6000,0 мың теңге сомасына «Песчанка орта мектебі»  КММ терезелерді ағымдық жөндеу жұмыстары жүргізіледі. Ауданның барлық мектептері компьютерлендірілген (100%).
2016 жылдың қыркүйегінен бастап «Н.Островский атындағы орта мектебі» КММ: спорт сыныбы, кадет сыныбы, «Зияткер» мектеп алды даярлық сыныбы ашылды.
Мектепке дейінгі тәрбие және оқытумен балаларды қамтамасыз ету бойынша «Балапан» бағдарламасы аясында мектепке дейінгі білім беруді дамыту бойынша іс-шаралар жоспары жасалып, осыған сәйкес  2016 жылы қыркүйекте «Жерновка орта мектебі» КММ  25 орындық күндізгі толық келетін бір шағын-орталық және Жезкент кентіндегі «Солнышко» балабақшасында 25 орындық қосымша топ ашылды. 2017 жылы: Новая –Шульба ауылындағы «Комаров атындағы ОМ» КММ шағын-орталықта қосымша бір топ ашу жоспарлануда.
Ауданның мектеп дейінгі ұйымдарында оқу – тәрбие процесі ҚР заңнамаларына сәйкес жүргізіледі. Ауданның мектепке дейінгі білім беру мекемелерінің педагогтерінің сапалы құрамы балабақшалармен және күндізгі толық келетін  шағын-орталықтармен қоса алғанда 99 тәрбиеші – оның ішінде жоғарғы білімділері 44 тәрбиеші, ал бұл жалпытәрбиешілер санының 44 % құраса, жалпы жоғарғы білімді тәрбиешілердің санынан жоғарғы мектепке дейінгі білімділері 12 тәрбиеші, бұл 11 % құрайды.
Мектепке дейінгі ұйымдарға балаларды қабылдау мектепке дейінгі тәрбие және оқыту саласының мемлекеттік қызметтер стандарттарына сәйкес жүргізіледі. Ата –аналардан және заңды өкілдерден ай сайын алынатын ақы 100 пайыз тамақ шығынын құрайды. 2017 жылы ауданда Бородулиха ауданы Әкімінің 2017 жылғы 13 наурыздағы №43 қаулысына сәйкес балаларды тамақтандыру ақысы 9800 теңгені құрайды.

Аудан мектептерінде барлығы 894 педагог бар, олардың жоғары білімдісі  748 педагог, педагог қызметкерлердің жалпы санының 83,6 % құрайды. Ауданға келіп жатқан  жас мамандардың саны күннен күнге өсуде.
2016-2017 оқу жылында мектеп түлектерінің саны 269 оқушыны құрады, ҰБТ 98 адам қатысты. Аудан бойынша ҰБТ орташа балы 75 балды құрады.
«Алтын Белгі» куәлігі бойынша келесі мектептерден 6 оқушы өз білімін растады: «Жезкент орта мектебі» КММ 3 оқушы,  «Н.Островский атындағы орта мектебі» КММ 2 оқушы, «М. Әуезов атындағы орта мектебі» КММ 1 оқушы, үздік куәлігі бойынша келесі мектептерде 4 оқушы оз білімін растады: «Жезкент орта мектебі» КММ 2 оқушы,  «М. Әуезов атындағы орта мектебі» КММ 1 оқушы,  «Н.Островский атындағы орта мектебі» КММ 1 оқушы.
Алдын ала мәліметтерге сәйкес 11 сыныптың 269 түлектерінің ішінен -125 ЖОО түсуге жоспарлауда, олардың ішінен Қазақстандағы ЖОО – 95 оқушы, Ресей ЖОО -30 оқушы, 134 оқушы орта –арнайы оқу орындарына түсуді, ал 6 оқушы жұмысқа орналасуды жоспарлауда, 2 оқушы денсаулығына байланыста жұмысқа тұра алмайды.
2017 жылдың жаз айларында жаздық демалыс және оқушыларды сауықтандыру ұйымдары екі басым бағыттарда жүзеге асырады: сауықтандыру; демалыс.
Ең бірінші кезекте аз қамтылған және көп балалы отбасы, ата-аналарының қамқорынсыз қалған балалар, жетім балалар, қамқорлықтағы балалар санатындағы оқушылардың демалысын ұйымдастыру қарастырылған.
Маусымның 1-нен 30 дейінгі аралықта аз қамтылған отбасылары санатынан бастауыш сыныптардан 305 оқушы 32 мектептегі лагерьлерде күндізгі келуімен және тамақтануымен дем алды. Тегін тамақтандыруға Жалпыға міндетті оқу қоры есебінен 1 млн. 067 мың теңге қаражат бөлінді.
Осы жылдың 28 маусымында «Уба – Форпост орта мектебі» КММ базасында «Солненчный» лагерінің бірінші сауықтандыру маусымы ашылды. Әр маусым 14 күннен тұратын екі маусымда (28.06. – 11.07.;  15.07. -28.07.) лагерде 200 оқушы дем алады, оның ішінде 55 оқушы аз қамтылған және көп балалы отбасы, ата-аналарының қамқорынсыз қалған балалар, жетім балалар санатындағы оқушылар. Бұл санаттағы балалардың демалуына жергілікті қаражаттан 1672 мың теңге бөлінетіні қарастырылған.
Ағымдағы жылдың маусымның 9 –нан 11 дейінгі аралықта «Краснояр орта мектебі» КММ базасында 600 оқушы дем алған үш күндік шатырлы лагерь қызмет атқарды, оның ішінде аз қамтылған және көп балалы отбасы, ата-аналарының қамқорынсыз қалған балалар, жетім балалар, «тәуекел» тобындағы балалар да дем алды. Шатырлы лагерьлер жұмыстарының аясында «Жас Сұңқар» туризмі бойынша спорттық бағдарлау жарыстары ұйымдастырылды.

Шілде, тамыз айларында «Уба-Форпост орта мектебі» КММ, «Абай атындағы негізгі орта мектебі» КММ базасында үш күндік шатырлы лагерлердің дәстүрлі жұмыстары жоспарлануда. Шатырлы лагерлерде 900 оқушының дем алуымен және бос уақытын ұйымдастыру жоспарланған, оның ішінде аз қамтылған және көп балалы отбасы, ата-аналарының қамқорынсыз қалған балалар, жетім балалар, «тәуекел» тобындағы балалар санатындағы оқушылар да бар.
Бородулиха ауданының оқушылары шілді-тамыз айларында Абай ауданына барады. Экскурсияны ұйымдастыруға 300 мың теңге қаражат бөлінеді.

Ауданның оқушылар тобы тамызда айында мәдени таыстыру мақсатында республикамыздың астанасы – Астана қаласына барады. Экскурсияны ұйымдастыруға жергілікті қаражаттан 500 мың теңге жоспаланған.
Жаздық каникул уақытында аудан оқушылары Шығыс-Қазақстан облысының келесі лагерлерінде дем алып денсаулықтарын түзейді:

  • 26 маусымнан 2 шілдеге дейін «Балдаурен» (Күршім ауданы) сауықтыру лагерінде мемлекеттік тілді оқытумен қоса аз қамтылған және көп балалы отбасы, ата-аналарының қамқорынсыз қалған балалар, жетім балалар санатынан 16 оқушы дем алады. Осы мақсатта жергілікті қаражаттан 378 мың теңге бөлінді.
  • «Үржарайым» (Үржар ауданы) жазғы лагерінде ағылшын тілін оқумен қоса 26 маусымнан 2 шілде аралығында 7 оқушы денсаулығын түзетеді.
  • 10 үздік –оқушылар 27 маусымнан 7 шілде аралығында «Дарын жұлдыздары» (Өскемен қаласы) лагерінде дем алады.

«Эни С.п.А.» концерні «Аджип Каспиан Си Б.В.» еншілес компаниясы
арқылы шілде айында Шығыс – Қазақстан облысының аз қамтылған отбасындағы балалар үшін Италиядағы Адриатика теңізінің жағасындағы Чезанатико қаласындағы лагерде дем алуды ұйымдастыруда. Осы жылы Бородулиха ауданынан «Буркотово орта мектебі» КММ бір оқушы – Сатов Әділдің баруы ұйымдастырылды.
Биылғы жылдың шілде айында аудан мектептерінен аз қамтылған және көп балалы отбасы, ата-аналарының қамқорынсыз қалған балалар, жетім балалар санатындағы 200 оқушы Астана қаласында өтіп жатқан халықаралық ЭКСПО көрмесіне барады. Жергілікті қаражаттан 3892,0 теңге бөліну жоспарланды.

26 маусымнан 2 шілде аралығында «Дарын» желісі бойынша облыстық қаражат есебінен 200 облыстық, республикалық және халықаралық интеллектуалдық конкустардың және олимпиадалардың, спорттық жарыстардың жеңімпаз –оқушылары ЭКСПО кормесіне барады.  Үш күндік тур аясында оқушылар ЭКСПО көрмесімен танысып, астананың көрікті мәдени ошақтарын: ҚР Бірінші Президенті Мұражайы,  Бәйтерек, «Хан Шатыр» СОК, «Дарын» океанариумына барып қайтады.
Жазғы уақытта оқушыларды өнімді жұмыспен қамту мақсатында ауданның 34 мектебінде мектеп территориясын жақсартатын 290 оқушының (5-8, 10 сыныптар) қатысуымен көгалдандыру бойынша 12 бригада құрылды.  Мектептерде жиһаздарды қайтадан қалпына келтіруге және мектепт қорғандарын жөндеуге көмектесетін, жоғарғы сынып оқушыларының есебінен 80 оқушы қатысқан 14 жөндеу –құрылыс бригадалары, 720 оқушыдан құралған 35 еңбек отрядтары құрылған.
140 оқушы мектеп орманшылығында жұмыс атқарды.
Мектептерде спорт секциялары және қолөнер, техника, көркем –эстетикалық, экология –биологиялық,  туристік бағыттағы үйірме жұмыстары ұйымдастырылған.
Оқушылардың толық демалуына және сауықтандыруына барлығы 8 млн. 226 мың теңге мөлшерінде қаражат бөлінеді.
Ауданда үш тілділікті кезеңмен енгізуге сәйкес 2016-2017 оқу жылынан бастап оқу жоспарының вариативті бөлімінен ағылшын тілін оқуға  1-3 сыныптарда   2 сағатқа дейін артты. Оқу сағатының санын арттыру 4 сыныпта   2 сағатқа дейін, 5-8 сыныптарда 4 сағатқа дейін, 9-11 сыныптарда    5 сағатқа дейін қарастырылған. Мемлекеттік тілде оқытатын мектептерде орыс тілін оқуға 1 сыныптан 11 сыныпқа дейін қосымша 1 сағат енгізілді.
4670,0 мың теңге ағылшын, қазақ тілдерін (орыс тілінде оқытатын мектептер үшін), орыс  (мемлекеттік тілде оқытатын мектептер үшін) тілін оқыту кезінде сыныптардың толықтырылуы 10-12 оқушыдан артық емес кіші топтарға бөлінуін қаржыландыруға қарастырылды.
Ауданның 11 мектебінде интернетке (4 Гб дейін) кең жолақты қолжетімділік және 34 мектебінде сандық білім беру ресурстары (Bilim Media Group) бар.
Облыстық қаржы есебінен ауданның барлық мектептеріне 1 сыныптан 11 сыныпқа дейін 13 930 мың теңге сомасына ағылшын тілінен 9151 дана бірегей оқулық сатып алынды және 1 740 мың теңге сомасына қазақ тілінен 583 оқулыққа тапсырыс берілді.
Бала құқығы туралы Ковенцияның ең басты қағидаларының бірі – әрбір бала отбасында тұрып және тәрбиеленуі тиіс.  Балаларды отбасына орналастырудың басым нысаны кәмелетке томағандарды қамқорлыққа беру болып табылады. 2017 жылы Шығыс – Қазақстан облысы Бородулиха ауданы аумағында қамқорлықта 68 бала, оның ішінде 45 бала – жетім және ата – анасының қамқорынсыз қалған балалар, балаларынан жырақта тұруына байланыста, яғни басқа қалада тұруына немесе басқа отбасында тұруына байланысты  23 бала ата – анасының келісімімен отбасына табысталды.  Патронаттық тәрбиеде 2 жетім –бала тәрбиеленуде.

29 қазан күні жылдар бойы, әрбір жыл сайын, жетім – балаларды, ата-анасының қамқорынсыз қалған балаларды орналастырудың отбасылық нысанын насихаттау мақсатында қамқоршыладың және қамқорлықтағы балалардың қатысуымен «Қамқоршы күні» аталып өтеді.
Жетім – балаларды, ата-анасының қамқорынсыз қалған балаларды  әлеуметтендірудің, сонымен қатар ең бірінші кезекте шешімді талап ететін олардың мүліктік құқықтарын қорғаудың ең басты мәселелері, мұндай балаларды тұрғын үймен қамтамасыз ету болып табылады. Қазіргі уақытта аттарына жылжымайтын мүлік тіркелмеген 40 жетім  және ата-анасының қамқорынсыз қалған балалар мемлекеттік қордан тұрғын үй алуға кезекке тұрғызылды.
2016 жылғы 14 шілдедегі VI шақыруымен Шығыс – Қазақстан облысының V кезекті сессиясының шешімімен 2016-2018 жылдар аралығында Шығыс Қазақстан облысының жетім және ата – анасының қамқорынсыз қалған балаларына қолдау көрсету туралы Кешендік жоспар бекітілді. Жоспардың басты мақсаты әлеуметтік және құқықтық қамтамасыз ету, сонымен қатар «ЖилСтройСберБанк Казахстана» АҚ бөлімшелерінде ашылған балалрдың жинақтау шотына демеушілік көмек көрсету арқылы жетім және ата-аналарының қамқорынсыз қалған балалардың өмірін, жағдайын жақсарту.
Ата-аналық құқығынан айыру, ата-аналық құқығына шектеу қою, баланы оқытудан, тәрбиелеуден ата-аналардың жалтаруы, ата –аналардың қамау орындарында болуы, ата-аналардың асырап алуға келісімін беруі әлеуметтік жетімдіктің негізгі себебі болып отыр.
2017 жылдың наурыз айында ШҚО Бородулиха ауданы әкімі аппаратының кәмелетке толмағандар ісі және олардың құқығын қорғау бойынша комиссиясы 5 кәмелетке толмаған балаларға қатысты 2 ата-ананы ата – аналық құқығынан шектеу туралы өтініш жолданды, алайда, өтініш қанағаттандырусыз қалды.  9 ата-ана ата-аналық құқығынан айыру туралы ескерту алды, 4 кәмелетке толмаған балалар девиантты мінез – құлқы туралы ескертілді. Қамқоршылық қызметін атқаратын орган кәмелете толмаған жасөспірімге қатысты сотқа Серебрянка қаласындағы «Девиантты мінез-құлықты балаларға арналған областық арнайы мектеп-интернаты» ММ өткізу туралы өтініш жолданып, өтініш қанағаттандырылды. Мектеп ішілік тізімді 42 оқушы тіркелген, ал КІИ тізімінде 34 оқушы тіркелген. 2017 жылдың 1 шілдесіне дейінгі уақытта «Семей қаласының кәмелетке толмағандарды бейімдеу орталығы» КММ 6 кәмелетке толмаған бала, 1 бала ШҚО ДБ «Семей қаласының балалар үйі» КМҚК келіп түсті.  2017 жылдың шілдесінде қамқоршылық органы 2 кәмелетке толмаған балаға қатысты 2 ата-ананы ата-аналық құқығынан шектеу туралы сотқа өтініш білдірді, бұл өтініші қаралу барысында.

2016 жылдың 15 қарашасынан 30 қарашасына дейін «Қатыгездік пен зорлық-зомбылықсыз балалық шақ» РАҚ  ұйымдастырылды.  2016 жылдың 20 қарашасынан 30 қарашасына дейін аудан мектептерінде, «Заңмен бетпе-бет» ұранымен «Бала құқығы – адам құқығы» атты Республикалық акция өткізілді. Акцияны өткізу аясында балалар және ата –аналар құқықтық сауаттылықты жоғарлату мақсатында балалар құқығы бойынша Конвенцияның негізгі қағидаларымен танысты.
2016 жылдың 25 қарашасында «Н.Островский атындағы орта мектебі» КММ базасында мектеп педагог-психологтарының, ішкі істер орган өкілдерінің, кәмелетке толмағандар ісі бойынша инспаекторларының, білім бөлімі өкілдерінің, денсаулық сақтау өкілдірінің, ата-аналар қоғамы өкілдерінің, сонымен қатар 9-11 сынып оқушыларының қатысуымен «Отбасылық зорлық-зомбылықты алдын алу» тақырыбында аудандық форум өткізілді. Форумда балаларға көрсетілетін отбасылық зорлық –зомбылыққа қарсы: «Балаларды қорғаңыз», «Үйдегі бейбітшілік», «Бақытты отбасы» тақырыбында әлеуметтік бейнероликтер көрсетілді. Форум аясында отбасындағы зорлық –зомбылық нысандары, балаларға көрсетілетін зорлық – зомбылыққа   жауап беретін ата-аналар және педагогтердің жауакершілік түрлері, сондай-ақ қатысушылар аталған іс-әрекеттерді және санкцияларды реттейтін нормативтік құжаттармен танысты, сонымен қатар кәмелетке толмағандардың жыныстық тұтастығын алдын алу мәселелері бойынша әңгіме жүргізілді.
Ауданның жалпы білім беретін 10 мектебінде мүмкіндігі шектеулі балаларды  психологиялық – педагогикалық қоса алып жүруге жағдай жасалған. Мүмкіндігі шектеулі балалардың саны 2016-2017 оқу жылында 326 жетті. Инклюзивті білім беру мектеп жасындағы 131 баланы қамтыды, ауданның 13 мектебінде 29 бала үйден оқытылды.
Жалпы алғанда, Бородулиха ауданында оқушыларға және жасөспірімдерге психологиялық көмек көрсету жұмыстары толық көлемде жүзеге асырылуда және тұлға болып қалыптасуына да өнімді мүмкіндіктер туғызуда. Бородулиха ауданының білім бөлімінде сенім телефоны жұмыс атқарады.  2016-2017 оқу жылдарында Бородулиха ауданының 34 мектебінде 31 педагог – психолог қызмет атқарады. 2017 жылдың бірінші тоқсанында 1 аяқталған жанкештілік тіркелді. Аудан мектептерінде психологиялық қызметтермен кәмелетке толмағандар арасындағы жанкештілікті алдын алу бойынша үздіксіз жұмыстар жүргізілуде. 2016 жылдан бастап ШҚО Бородулиха ауданының мектептерінде оқушылардың психикалық денсаулығын және тәуекел мінез –құлықтарын алдын –алуға бағытталған өзіне өзі қол жұмсауды болдырмау бағдарламасы іске асырылуда.

2017 жылдың 1 маусымнан 12 маусымы аралығында ШҚО Бородулиха ауданының аймағында «12 күн бала еңбегіне қарсы күрес» Ұлттық ақпараттық кампаниясы(ҰАК) ұйымдастырылды. Аталған кампанияны жүзеге асыру аясында кәмелетке толмағандармен, ата-аналармен және елді мекенмен ақпараттық–түсіндірме жұмысы жүргізіліп, Қазақстан Республикасының еңбек және қылмыстық заңнамаларға сәйкес құқықтары мен жауапкершіліктері түсіндірілді.  2017 жылдың 1 маусымынан бастап акцияның барлық қатысушаларына парақшалар, брошюралар, плакаттар қоғамдық жерлерде және ауылдық әкімшіліктерде орналастырылып, таратылды.  Акция барысында кең көлемде  балалардың еңбегін пайдалануды және балаларға зорлық-зомбылық көрсетуді анықтауға арналған «Отбасында зорлық-зомбылық жоқ»,  «Түнгі қаладағы балалар»,  «Жасөспірім»,  «Көше» рейдтік іс-шаралар өткізіліп, шаруашылықтар, дүкендер, көңіл көтеру орындары, қоғамдық орындар тексерілді, сонымен қатар көшелерде патрульдер жүргізілді. 245–рейд жүргізіліп, 427 нысандар тексеріліп,  нәтижесінде бала еңбегін қолдану анықталмады. Сондай –ақ балаларды бала еңбегінің ең нашар нысанына тартуды болдырмау туралы 39 Меморандумдар мен келісімдер жасалды.
Білім беру ұйымдарында ж ағдайы нашар отбасындағы балаларға ең көп назар аударылады. Қазіргі уақытта ауданда 100 бала тәрбиеленіп жатқан 50 жағдайы төмен отбасы бар. Мектеп әкімшілігі үнемі осы санаттағы балалардың жүріс-тұрысын, сабаққа қатысуын және оқу үлгерімін қадағалап отырады,  сонымен қатар әртүрлі тізімде тіркелген оқушылардың тұрғын үй жағдайларын тексеріп, ата-аналарымен әңгімелесулер жүргізіп отырады. Осы санаттағы балаларды мұғалімдар жиі сыныптан тыс іс-шараларға қатысуға тартып отырады. Күнделікті оқушылардың сабаққа қатысуын қадағалап, сабақты босату себептерін анықтап отырады. Ауданда барлық 5 жастан 18 жасқа дейінгі балалар Жалпыға міндетті оқумен қамтылған.
Кәмелетке толмағандар арасындағы құқық бұзушылықты алдын алу мақсатында әрбір мектепте құқық бұзушылық және құқықтық тәрбиені алдын алу бойынша Кеңестер құрылған. Кеңес мектептегі құқық бұзушылықты алдын алу бойынша жұмысты үйлестіріп және ұйымдастырады.

 

Бөлім басшысы Н. Көкшебаева

Мүмкіндігі шектеулі балаларға арналған «Ақ Ниет» мектеп-интернаты

Мүмкіндігі шектеулі балаларға арналған «Ақ Ниет» мектеп-интернатыШығыс Қазақстан облысының Өскемен қаласында 2016 жылғы желтоқсаннан бастап мүмкіндігі шектеулі балаларға арналған «Ақ Ниет» мектеп-интернаты қызмет істеуде. Аталған мекеменің құрылысы Шығыс Қазақстан облысының әкімі Даниал Кенжетайұлы Ахметовтың тапсырмасы бойынша басталған болатын. «Ақ Ниет» мектеп-интернатының ашылуы Қазақстан Республикасы Тәуелсіздігінің 25-жылдығына арналды. Бұнда облыстың барлық аудандары мен қалаларында үйде оқып жүрген балалар Өскемен қаласының мектептерінде білім алып қана қоймай, сонымен қатар мамандық игеріп шығады. Жаңа оқу орнында балалар тұрып және оқып қана қоймай, коррекциялық ем қабылдайтын болады. Көру, есту, сөйлеу жіне тірек қимыл аппараты бұзылған балаларға арналған пансионат 100 балаға арналған. Жаңа үш қабатты ғимаратта бірнеше блоктар бар. Бірінші қабатта негізінен емдеу-оңалту кабинеттері орналасқан – сенсорлық, ЛФК, психолог, неврапотолог, педиатр, дефектолог. Екінші қабат оқу-дамыту қабаты. Бұл жерде кітапхана, дайындалуға арналған бірнеше бөлме, сонымен қатар компьютерлік және лингафондық кабинеттер орналасқан. Соңғы қабатта дайындалуға арналған бөлмелер мен бастауыш мектепке арналған екі сынып қарастырылған. Балалар интернатта тұратын болады, және интернаттың жанында орналасқан жалпы білім беретін мектептерде оқиды, сонымен қатар қала колледждерінің инклюзивті топтарында білім алатын болады. Балалар есепші, ХҚКО операторы, дизайнер, визажист, тігінші және т.б мамандықтар ала алады.
Интернаттың мекен-жайы: ШҚО, Өскемен қаласы, Севастополь көшесі, 6/3. Хабарласатын телефон: +7 (7232) 51–15–03.

 

«ШҚО Бородулиха ауданының білім бөлімі» ММ

 

 

Қазақстан Республикасының Әділет министрлігінде 2016 жылғы 15 қарашада № 14425 болып тіркелген, Қазақстан Республикасы Білім және ғылым министрінің 2016 жылғы 7 қазандағы № 597 бұйрығымен Баланы қабылдайтын отбасы туралы ереже бекітілді және ол 2017 жылғы 1 қаңтардан бастап заңды күшіне енеді.
Отбасыларға балаларды орналастырудың жаңа нысаны ол – баланы қабылдайтын отбасы. Жетім балаларға, ата-аналарының қамқорлығынсыз қалған балаларға арналған білім беру ұйымдарындағы кемінде төрт және оннан аспайтын жетім баланы, ата-аналарының қамқорлығынсыз қалған баланы Баланы қабылдайтын отбасыға тәрбиелеуге берілуі мүмкін.  
Баланы (балаларды) қабылдайтын отбасына беру Қазақстан Республикасының аумағында тұрақты тұратын Қазақстан Республикасы азаматтарының қабылдайтын отбасыларна беру жүзеге асырылады. Балаларды ұйымнан баланы қабылдайтын отбасына алуға тілек білдірген адам тұрғылықты жері бойынша қорғаншылық немесе қамқоршылық жөніндегі функцияларды жүзеге асыратын атқарушы органға Баланы қабылдайтын отбасы туралы ережеде көрсетілген құжаттарды ұсынады.  Балаларды патронаттық орналастыру кезінде еңбек ақы бір ғана ата-анаға төленсе, баланы қабылдайтын отбасыда ата-ананың екеуіне де төленеді.
Түсінбеген барлық сұрақтарыңыз бойынша және кеңес алу үшін қамқоршылық және қорғаншылық қызметтерін іске асырушы органға, келесі мекен-жай бойынша хабарласыңыздар: Бородулиха ауылы, Түсібжанов көшесі, 39.

БӘД ұйымдастырушы - ұстаздардың аудандық семинары

Қазақстандық патриотизм - көп өлшемді құбылыс. Отан біз үшін туған үйден, отбасынан, алғашқы әліппедегі суреттен, біздің көпұлтты еліміздің бірлігінен, оның тұтастығынан, егемендігінен, қауіпсіздігінен басталады. Әскери-патриоттық тәрбие - құрамдас және патриоттық тәрбиенің маңызды құрамдасы және белгілі сөздерді басқа сөзбен айтқанда кез келген егемендік, егер қорғана алса ғана бағаланады деп батыл айтуға болады.
Жасөспірімдерді әскерде қызмет етуге дайындау бойынша мектеп жұмысы жүйесінде бастапқы әскери дайындық ерекше орын алады. Дәл бастапқы әскери даярлық оқытушысынан, оның жан-жақты дайындығынан, оқушыларды өзінің пәнімен қызықтыра білуінен, шығармашылық жұмыс істеу ұмтылысынан мектеп жастарының бастапқы әскери оқуларының және әскери-патриоттық тәрбиелерінің деңгейі, мазмұны мен тиімділігі тәуелді.
БӘД сабақтарының мақсаты – жасөспірімдердің әскери қызметке моральдық-психологиялық және дене дайындығын қалыптастыру, оқушыларды Отан қорғаушысы міндеттерін игеру үшін қажет білім және шеберлікпен қамтамасыз ету.
Алға қойған мақсаттарына жеткілікті тәжірибесі мен пәннің білгерлігін иеленген мұғалім ғана қол жеткізе алады.
Бұл ретте мынадай негізгі әдістер пайдаланылады: сендіру әдісі, мысал әдісі, жаттығу әдісі, мадақтау әдісі. Бастапқы әскери дайындық бойынша оқу процессінің негізгі нысаны сабақ болып қалуда.
БӘД сабақтары үлкен иллюстративті материалдарды тарта отырып, дыбыс және бейне жазбаларды пайдалана отырып, жарқын және эмоциялық болулары тиіс. Осынын барлығын өзінің мультимедиялық мүмкіндіктерімен компьютерлік техника қамтамасыз ете алады. Және дәл осы БӘД сабақтары үшін мұғалім мен оқушылар ең қызықты жобаларды дайындаулары тиіс, бұл әскери тарих әлеміне саяхат сабақтары, Қазақстан Республикасы Қарулы күштерінің құрылу және қалыптасу тарихы. Компьютерді пайдалану тарихи тұлғалардың, батырлардың, ҰОС қаһарман ардагерлерінің портреттерін көруге және тағы басқа мүмкіндіктер береді. Осындай сабақтар патриоттық сезімді тәрбиелейді, оқушылардың дүниетанымдарын кеңейтеді. Компьютердің шексіз мүмкіндіктері БӘД басқа пәндермен, мысалы тарихпен, физикамен және т. б. ықпалдастыруға мүмкіндік береді.
Әлбетте, ақпараттық компьютерлік технологиялар (АКТ) – ұстаз қолындағы маңызды педагогикалық құрал, оны меңгеріп, өздерінің пәндік сабақтарында кеңінен қолдану қажет.
Сондықтан бастапқы әскери дайындықтың білім беру сапасын арттыру үшін, БӘД ұйымдастырушы-ұстаздардың кәсіби құзыреттіліктерін қалыптастыру үшін «Новопокровка орта мектебі» КММ БӘД бойынша аудандық семинар өтті. Семинарға аудандық білім беру бөлімінің әдіскері, майор Т. А. Конорбаевтың басшылығымен 21 мектептің әскери жетекшілер қатысты.
Семинардың басты мақсаты бастапқы әскери дайындық сабақтарында оқу – тәрбие үдерісін ұйымдастыруда мұғалімдермен әдістемелік көмек көрсету болды.
Семинардың басталуы алдында қонақтар мектеппен, БӘД кабинетінің жабдықтандырылуымен, оның безендірілуімен танысты.
Содан кейін қонақтарды Новопокровка орта мектебі директорының м. а. Кресс И. А. мен директордың тәрбие ісі жөніндегі орынбасары Құдайбергенова Ш. Д. қошеметпен қарсы алды, олар әріптестеріне жиналыста табысты және жемісті жұмыс тіледі.
Семинар-кеңес жұмысына психологиялық дайындықты аға тәлімгер Р. Г. Тюлебаеваның басшылығымен 5-8 сынып оқушыларының шығармашылық топтарының сахнаға шығуы қамтамасыз етті. Орыс, қазақ және ағылшын тілдерінде біздің Отанымыз туралы өлеңдер оқылып, әндер мен ұлттық би орындалды. Әскери жетекшілер балалардың орындауларын үлкен қызығушылықпен тамашалады. Әрбір нөмір ду қол шапалаққа ие болды.
Аталған семинардың тақырыбы: «Сабақтарда ақпараттық және компьютерлік технологияларды «Бастапқы әскери дайындық» пәнін оқыту сапасын арттыру факторы ретінде қолдану».
Бүгін, берілген педагогикалық технология (АКТ) өте өзекті. Күннен күнге мұғалімдердің көбі оны меңгеріп, игеруге ұмтылады, содан кейін сабақты жүргізу процесінде компьютердің, мультимедиялық жабдықтардың мүмкіндіктерін көрсету. Осы мақсатпен, семинарда БӘД ұйымдастырушы-ұстаз В. Л. Поповпен «Ядролық қару» тақырыбы бойынша 11 сыныпта көрнекті сабақ жоспарланып, өткізілді.
БӘД ұйымдастырушы-ұстаздар әскерге алынатын жасқа дейінгі жігіттерді әскери істің қыр-сырларына оқытады. Біздің тәрбиеленушілеріміз «әскери жетекшілер» деп атайтын дәл біздерден оқу тәрбиесі, көңіл-күй, күш пен дербестік сезімі, қасиетті борыштарын өтеуге - өз халқы мен Отанының игілігі үшін Қазақстан Республикасының Қарулы Күштерінде қызмет етуге дайындығы тәуелді. Сондықтан, өз жұмысымның басты мақсаты оқушыларда Отанды қорғауға жеке және ұжымдық, моральдық және практикалық дайындығының қажеттілігіне сенімділікті қалыптастыру деп санаймын.
Семинардың соңында БӘД жетекшілері жақсы ұйымдастырушылықты атап өтті, олардың айтуынша: семинар барысында алынған білім, алдағы уақытта оқушыларды оқытуда қажет болады. Осындай семинарларды өткізу, осы немесе өзге пәнді жүргізушіснің алдына қойылған міндеттерді түсінуді айтарлықтай жеңілдетеді, әріптестердің тәжірибе алмасуларына көмектеседі, оқыту мәселелерімен бөлісіп, сұрақтар қойып, пайдалы кеңестер алуға болады.
Аудандық білім беру бөлімінің мадақтамасымен «Новопокровка орта мектебі» КММ БӘД ұйымдастырушы-ұстазы В. Л. Поповтың жастарды әскери-патриоттық тәрбиелеу ісіндегі жұмысы белгіленді.

«Новопокровка орта мектебі» КММ
БӘД оқытушы-ұйымдастырушы Попов В. Л.

 

«Ақ желкен - 2016»

2016 жылдың түлектері үшін 17 маусым үлкен өмірге жасаған алғашқы қадамдары ретінде мәңгі есте қаларлықтай күн болды. Дәл осы күні жыл сайын өткізіліп тұратын Бородулиха ауданы әкімінің балы болып өтті. Түрлі-түсті шарлармен және гүлдермен безендірліген мерекелік шеруге 207 түлек қатысты. Салтанатты іс-шара түлектер шеруімен ашылды. Түлектер мен мұғалімдер ата-аналардың және іс-шар қонақтарының қошеметтеріне бөлене отырып, «Ақ желкен - 2016» ақ төсенішімен жүріп өту құқығына ие болды.
Дәстүр бойынша түлектерді мектеп бітірулерімен бірінші болып Бородулиха ауданының әкімі Г.И.Акулов құттықтады, еліміз бен ауданымыздың игілігі үшін барлық күш-жігерлерін жұмсауға шақырды. Григорий Иосифович мақтау қағаздарымен және бағалы сыйлықтармен өз білімдерінің «алтын» сапасын дәлелдеген түлектерді құттықтады: «Үздік аттестат» - Мария Бровкина («Жезкент орта мектебі» КММ түлегі), ҰБТ «Ең жоғары бал» мақтау қағазын – Полина Горяева («Коростели орта мектебі» КММ түлегі), «Мектептің қоғамдық өміріне белсене араласқаны үшін» мақтау қағазымен – Полина Подкорытова («Комаров атындағы орта мектеп» КММ) марапатталды.
Сонымен қатар, аудандық мәслихаттың хатшысы У.Т.Майжанов «Ауданның қоғамдық өмірінде және оқуда ерекше жетістіктері үшін» мақтау қағазымен «Бородулиха қазақ орта мектебі» КММ оқушылары Аяжан Маратова мен Мадина Шайғазинаны құттықтады. 
Ата-аналар қоғамдастығы атынан түлектерге Ю.П.Горяев ақ тілегін арнаса, мұғалімдер атынан құттықтау сөзін «Бородулиха қазақ орта мектебі» КММ директоры – С.К.Жаксылыкова арнады.
Құттықтаулар қоңыраулардың сыңғырымен аяқталды. Соңғы қоңырауларды соғу құқығы әр мектептің үздік мұғалімдері мен оқушыларына бұйырды.
«Соңғы қоңырау» әнімен түлектер би билеп, кештің қызығын арттыра түсті. Ал аспанға «Ақ желкен - 2015» деген жазулары бар, тілектер жазылған түрлі-түсті шарлар ұшырылған сәт барлық қатысушылардың жүректерін тербеді.
Түлектердің флешмоб орындауы шараның күтпеген қызықты оқиғасы болды. 
2016 жылдың түлектеріне арналған мерекелік отшашу Бородулиха ауданы әкімі балының мәрелік аккорды болды.

 

Н.Қ. Көкшебаева, білім бөлімінің басшысы

«Жас сұңқар»  туристік ойыны

 

«Жас сункар»10-11 маусымда «Красный Яр орта мектебі» КММ аясында дәстүрлі болып кеткен «Жас сұңқар» туристік слет  өтті. Осы іс-шараға Бородулиха ауданының 16 мектебінен 300 оқушы, команда жетекшілері - 30-дан астам мұғалім қатысты.
Сағат таңертеңгі он шамасында  командаларды қарсы алу үшін, барлық дайындық жұмыстары жүргізілген, Уба өзенінің жағалауындағы лагерьге барлық мектеп командалары жиналды. «Красный Яр орта мектебі» КММ  6 жыл қатарынан туристік жарысты өз мектебінің аясында өткізуді ұйымдастырып келеді.
Тіркеуді өткеннен кейін, әр мектеп өз жетекшілерімен туристтік лагерьлерін құруға кірісіп кетті.
Жарыс өтетін орын - табиғаты әсем жер, бір жағында қалыңдап өскен орман орналасса, екінші жағында - суы сылдырап аққан, тамаша Уба өзені.
Жарысқа қатысушы командалар шатырларын тігіп болғаннан кейін, отын дайындап, от жағуға кірісті.  Асхана кезекшілері шай мен  түскі ас  дайындады. Табиғаты көркем, таза ауада тамақтанғаға не жетсін!
Сағат 14:00-де «Жас сұңқар» ойынының салтанатты ашылуы басталды. Салтанатты ашылуда Красный  Яр ауылдық округінің әкімі - Л.М. Жұбанова, білім бөлімінің әдіскерлері - А.А.Умирбекова, С.В.Алексеева, «Красный Яр орта мектебі» КММ директоры - С.С.Бастамиев, Красный Яр ауылдық округінің ардагерлер Кеңесінің Төрағасы – К.М. Вахитова командаларға сәттілік тіледі. Ляззат Мұхамеджановна өз сөзінде, осы жарыстың өткізілуі біздің  ауданда дәстүрге айналғанын және  жылдағы демеуші - аудандық маслихаттың  депутаты Сергей Николаевич Быков екенін айтты.
«Красный Яр орта мектебі» КММ дене шынықтыру пәнінің мұғалімі А.А. Казанцев  бас қазы, ол кісі жарысқа қатысушыларды іс-шара жоспарымен таныстырып, жарыс кезінде техника қауіпсіздігін сақтау керектігін айтты.
Ересек топ балалары мұғалім Г.Н. Леонтьевамен «Азимут бойынша жергілікті жерде бағдар ала білу» конкурсына кетті. Үлкен жер аумағында оқушылар компас бойынша белгілі нысандарды тауып, картаға түсірулері керек болды.  Барлық нысанды тауып, картаға дұрыс түсірген топ ең жоғарғы ұпайға ие болады. Бұл тапсырмада тек дене дайындығы ғана емес, сонымен қатар логика, география пәндерінен білімдері болуы тиіс, ал ең бастысы- бірігіп жұмыс жасау. Бұл конкурста бәрінен жұмысты  жақсы орындаған «Жерновка орта мектебі» КММ.
Ал осы уақытта кіші топ  балалары кіші бақылауда –шекаралы бағдар мен эстафетада, тек өздерінің дене дайындығын ғана емес, азимут т.б. конкурстар бойынша білімдерін көрсетті.
Келесі күні балалар «Робинзонада» конкурсында жарысты.
Кешке қарай әр мектеп тобы туристтік ән конкурсына қатысып, үлкен от жақты, ал кеш соңында мерекелік би болды.
Екінші күні құстардың әдемі әуенімен оянып, таңертеңгілік жаттығуға жиналды.  Ары қарай жұмыс қыза түсті: су әкеліп, от жағып, туристтің таңғы асын дайындауға кірісті. Бұл таңғы астың әзірленуі мен безендірілуіне аудандық білім бөлімінің әдіскері - С.В. Алексеева, «Красный Яр орта мектебі» КММ директоры - С.С. Бастамиев және жарыстың бас қазысы – А.А. Казанцевтан құралған әділ-қазылар  тобы бағалады.Таңғы астан  кейін сағат 10:00 де «Туристік кедергілер алабы» конкурсы басталды.  Әр топ  бағдар қағаздарын алып,  жол тартты.
Жарысқа қатысушы әр топ кезеңді өтіп, ұпай саны жазылған  бағдар қағаздарын алып келгенде  қазылар алқасы   екі күн өткен «Жас сұңқар» ойынының ұпай сандарын қорытындылауға  бірден кірісіп кетті.
«Жас сұңқар» ойынының қорытындысы бойынша ересек топ арасында  бірінші орынды- «Красный Яр орта мектебі» КММ, екінші орынды -«Жерновка орта мектебі» КММ, үшінші орынды - «2-ая Пятилетка орта мектебі» КММ алды. Кіші топ арасында жеңісе жеткендер: бірінші орын -«Красный Яр орта мектебі» КММ, екінші орын- «Н. Островский атындағы орта мектебі» КММ, үшінші орын - «Абай атындағы негізгі орта мектебі» КММ иеленді. Әр түрлі номинациялар бойынша мақтау қағазын көбірек алған «Н. Остовский атындағы орта мектебі» КММ «Бородулиха ауданының білім беру бөлімі» ММ  кубогымен марапатталды.
Жеңіске жеткен топтар «Красный Яр ш/қ» ПТ басшысы С.Н. Быковтың кубоктармен, медальдарымен және ақшалай сыйлықтарымен, «Бородулиха ауданының білім беру бөлімі» ММ мақтау қағаздарымен, сыйлықтарымен және жәдігерлермен марапатталды.
Міне екі күнге созылғаан «Жас сұңқар» ойыныда өз мәресіне жетті,  бірақ бұл екі күн оқушылар мен мұғалімдердің естерінде  қалатындары сөзсіз.  Осы іс-шараны бірнеше жыл қатар ұйымдастырып, өткізуші - Красный Яр орта мектебінің ұжымы, ауыл округінің шүлеңгері - С.Н. Быковқа «Жас сұңқар» ойынын өткізуге қатысып, көмек көрсетіп, үнемі демеушілік көрсеткені үшін,  ерекше алғысын білдіреді.

 

Н.Көкшебаева, білім бөлімінің басшысы

2016 жылғы ұлттық бірыңғай тестілеу қорытындысы жайлы

 

2016 жылы Бородулиха ауданы мектептерінің 11 сынып түлектерінен 69 оқушы Семей қаласындағы № 883ҰБТҚП ұлттық бірыңғай тестілеу тапсырды (қатысу пайызы 33 % құрады, 2015 жылмен салыстырғанда қатысу пайызы 13 % аз).  2016 жылғы ұлттық бірыңғай тестілеу қорытындысы бойынша, аудан бойынша орташа балл 78,1 баллды құрады, 2015 жылғы аудандық орташа баллдан 1 баллға төмен.
ҰБТ қатысқан 69 түлектің 54 түлегі орыс тілінде және 15 түлек қазақ тілінде тапсырды.
        
100 баллдан жоғары ұпайды келесі мектептердің 8 оқушысы жинады:

Полина Горяева - «Коростели ОМ» КММ - 111 балл;
Мадина Шайгазина - «Бородулиха қазақ ОМ» КММ -110 балл;
Мария Бровкина - «Жезкент ОМ» КММ - 108 баллов;
Касымжан Аргумбаев - «Н.Островский атындағы ОМ» КММ - 107 балл;
Еркеназ Қасенбай - «Бородулиха қазақ ОМ» КММ -106 балл;
Меруерт Ахмадиева– «Жезкент ОМ» КММ -105 балл;
София Аманбаева - «Жезкент кентінің мектеп-лицейі» КММ - 100 балл;
Жаннат Қалиякпарова - «Жезкент кентінің мектеп-лицейі» КММ -100 балл.
Ең азы – 38 балл («М.Әуезов атындағы ОМ» КММ), ең жоғары балл – 111 балл («Коростели орта мектебі» КММ).
«Алтын белгі» аттестатына 1 үміткер білімін дәлелдей алмады. Үздік аттестатқа 4 үміткерлерден 1 оқушы өз білімін растады (Мария Бровкина– «Жезкен орта мектебі» КММ – 108 балл).
1 пән бойынша 1 оқушы екілік баға алды («М.Әуезов атындағы ОМ» КММ).

Кестеде мектептер үзінділеріндегі ҰБТ қорытындысы бойынша орташа балл ұсынылған

 

 

Мектептің атауы

Қатысушылар саны

5 пән бойынша орташа балл

Екілер саны

100 баллдан жоғары ұпай жинаған оқушылар саны

Орын  

1

«Коростели орта мектебі» КММ

3

94,3

 

1

1

2

«Бородулиха қазақ орта мектебі» КММ

7

89,3

 

2

2

3

«Жезкент орта мектебі» КММ

13

85,5

 

2

3

4

«Жезкент кентінің мектеп-лицейі» КММ

9

83,7

 

2

4

5

«Н.Островский атындағы орта мектеп» КММ

8

81,4

 

1

5

6

«Комаров атындағы орта мектеп» КММ

7

75,1

 

 

6

7

«Жерновка орта мектебі» КММ

1

75

 

 

7

8

«Новопокровка орта мектебі» КММ

3

72,3

 

 

8

9

«Зубаир орта мектебі» КММ

2

71

 

 

9

10

«Краснопол орта мектебі» КММ

3

69

 

 

10

11

«Ивановка орта мектебі» КММ

1

69

 

 

10

12

«Переменовка орта мектебі» КММ

3

64,3

 

 

11

13

«М.Әуезов атындағы ОМ» КММ

6

62,5

 

 

12

14

«Песчанка орта мектебі» КММ

1

60

 

 

13

15

«Камышенка орта мектебі» КММ

1

52

 

 

14

16

«Красный Яр орта мектебі» КММ

1

49

 

 

15

 

 

69

78,1

1

8

 

 

 

Н.Көкшебаева, білім бөлімнің басшысы

 

 

 

Мұрағат

 

2015
2014
Бородулиха ауданы мектептері түлектерінің 2013 жылғы ұлттық бірыңғай тестілеулерінің қорытындысы туралы
2009 жылдың қаңтар – наурызында айларында атқарған білім беру бөлімінің жұмысы туралы ақпарат

 

Парақтар өзгертілді: 26-04-2018
Оқиғалар күнтізбесі
Тамыз 2018
Дс Сс Ср Бс Жм Сн Жк
12345
6789101112
13141516171819
20212223242526
2728293031

 

 

 

 

 

 

 

 

 

100 новых лиц

 

 

 

 

 

 

 

 

 

 

 


070400, ШҚО Бородулиха ауданы
Бородулиха ауылы Тәуелсіздік көшесі, 69
Қабылдау бөлімінің телефоны: 8 (723-51) 2-13-31,
факс: 8 (723-51) 2-10-31

Сайттың әкімшісі: Закиева Дана Қайратқызы
Телефон 8(72351)2-15-37
E-mail: G.Serikbaeva@akimvko.gov.kz ,
D.Zakieva@akimvko.gov.kz


Copyright © 2008-2018